ОХУ-ын баруун өмнөд нутаг Алтайн хязгаарт аугаа их ялалтын баяраар 27-30 градус халуун байснаа өнгөрсөн бямба гарагт  гэнэт хүйтэрч их хэмжээний цас орсон байна. Их цасны улмаас эрчим хүчний шугамд гэмтэл гарч 70 гаруй суурин газар гэрэл цахилгаангүй болжээ.


  
 Тавдугаар сарын 9, 10-нд Барнаулд 27-30 градус дулаан байж бүх нийтээрээ ялалтын баяр тэмдэглэн зугаалж, мод бут цэцэглэн сайхан байсан атлаа ганцхан хоногийн тодор тэнгэрийн араншин гэнэт өөрчлөгдөж ийн их цас даржээ.

    Одоо тус бүс нутагт агаарын хэм 1-4 хэм байж хэдэн см зузаан цас хараахан хайлаагүй байгаа юм байна.