Хурдны морь унаж байгаад унаж бэртсэн, цаашлаад амь насаа алдсан хүүхэд олон байгаа. Энэ асуудлыг сүүлийн үед нэлээд хөндөх болсон. Тэгвэл өнөөдөр “Хурдан морь унаач хүүхдийн хамгаалал-2013” зөвшилцөх уулзалт Төрийн ордонд эхэллээ. Зөвшилцөл уулзалтаар хурдан морь унаач хүүхдийн амь нас, аюулгүй байдлыг хамгаалах, хурдан морь унаж уралдах хүүхдийн хүсэлт эрзэлзлийг зөв, ухаалаг дэмжих, хүүхдийн сурч боловсрох эрхийг хангах, хүүхдийг хөдөлмөрийн мөлжлөгөөс сэрэмжлэх зэргийг ярилцан зөвшилцөх аж. Зөвшилцөлд Хүн амын хөгжил, нийгмийн хамгааллын яам, ССАЖЯ, Эрүүл мэндийн яам, Хөдөлмөрийн яам, ҮХААЯ, БХЯ, УИХ-ын эмэгтэй гишүүдийн бүлэг, Үндэсний их баяр наадмыг зохион байгуулах хороо, Хурдан морины салбар комисс гэх мэт төрийн болон ТББ-ын төлөөлөл оролцож байгаа юм.