Өнөөдөр 11 цагт концессын хуулиар хийгдэх ажлын хоёр дахь шатны шалгаруулалт НЗДТамгын газрын А танхимд болно.

Шинэ зуунд улс орноо хөгжүүлэх, “ХҮМҮҮНЛЭГ ИРГЭН ХӨГЖЛИЙН ИРЭЭДҮЙ” уриан дор Төрийн хүмүүнлэгийн бодлого “ЗӨВ МОНГОЛ ХҮҮХЭД” хөтөлбөрийг хэрэгжүүлэх ажлыг Баянзүрх дүүргийн Улаан Загалмайн Хороо дүүргийн Боловсролын хэлтэстэй хамтран Улаан Загалмайн идэвхтэн багш нар эхлүүлэх аж. Уг ажлын нээлт өнөөдөр 13 цагт МУЗН-ийн төв байранд болно.

“ХУРДАН МОРЬ УНААЧ ХҮҮХДИЙН ХАМГААЛАЛ-2013”
ЗӨВШИЛЦӨХ УУЛЗАЛТ Төрийн ордон “Б” танхимд болж байна. Уулзалт 08:20- 11:00 цагийн хооронд болох юм байна. Уулзалтыг Хүн амын хөгжил, нийгмийн хамгааллын яам, Хүүхдийн төлөө газраас зохион байгуулж байгаа юм.

Өнөөдөр “Монгол 93” авто бензины нээлт болно. Энэхүү шатахууныг Петровис, Шунхлай, Магнай трейд компаниудаар борлуулах юм байна. Бензины нээлт Зүүн дөрвөн замын Петровисын ШТС-д “Монгол 93” шатахууны нээлтийн арга хэмжээ болно.

“Шууд ардчилал-Иргэдийн оролцоо”-ыг нэмэгдүүлэх жилийн хүрээнд дүүргийн иргэдэд тулгамдаж буй асуудлыг судлах, шийдвэр гаргах түвшинд тэдний оролцоог нэмэгдүүлэх, үйл ажиллагаанд идэвхитэй оролцох боломжийг хангах, байгууллагуудын хэмжээнд иргэд, үйлчлүүлэгчдээс гаргасан өргөдөл, гомдол, санал хүсэлтийг өөрийн эрх хэмжээний түвшинд бүрэн шийдвэрлэж, хууль тогтоомжийг дагуу хариуг шуурхай өгч иргэдэд үйлчлэх зорилгоор “Иргэдээ сонсох сарын аян”-ыг зарлаж байна. Аяны нээлтийн үйл ажиллагаа 05 сарын 16-нд ХУД-ийн Соёлын ордонд 10:00 цагаас болно.

Хэвлэлийн хүрээлэнгийн мэдээллийн төвд 100 мянган айл орон сууцны хөтөлбөрийн хохирогчид “Эрх баригчид иргэдийг хохироосоор байна” гэж мэдээлэл хийнэ. Мэдээлэл 11 цагт болох юм.

Өнөөдөр Цахилгаан холбоо компани 10 цагт нээлттэй хаалганы өдөрлөг зарлана.