Мэдээлэл, шуудан, харилцаа холбооны салбар үүсч хөгжсөний 92 жилийн ойн хүрээнд зохиогдож байгаа “ICT EXPO” үзэсгэлэнг яг одоо Мишээл экспо төвд нээлтээ хийх гэж байна. Харилцаа холбооны салбарын хамгийн томоохон арга хэмжээ болох энэхүү үзэсгэлэнд энэ чиглэлд үйл ажиллагаа явуулдаг аж ахуйн нэгж байгууллагууд өөрсдийн шилдэг бүтээлүүдээ хэрэглэгчдэд танилцуулдаг уламжлал тогтоод багагүй хугацааг үдсэн. Тэгвэл энэ жилийн хувьд "Үндэсний хиймэл дагуул" хөтөлбөр батлагдсантай холбогдуулан энэхүү үзэсгэлэн зохион байгуулагдаж байгаагаараа онцлогтой юм. Үзэсгэлэн тав хоногийн турш үргэлжлэх юм. Үзэсгэлэнгийн талаар дэлгэрэнгүй мэдээллийг бид эргэн мэдээллэх болно.