Нийслэлийн Захирагчийн ажлын алба, Байгаль орчин, ногоон хөгжлийн газар, Монголын оюутны холбоо, “Залуусын хөгжлийн гүүр” ТББ хамтран Улаанбаатар хот орчмын ногоон бүс,зуслангийн зам дагуу болон Сэлбэ голын эрэг дагуу үүссэн хур хогийг цэвэрлэх бүх нийтийн цэвэрлэгээ маргааш болно. “Эх дэлхийн  цэвэрлэгээ” нэрийн дор болох энэ ажилд 2000 оюутан, 200 цэрэг оролцож, иргэдийн эрүүл аюулгүй орчинд амьдрах нөхцлийг бүрдүүлэх үйлсэд хувь нэмрээ оруулах юм. Хогийг “Хоёрдогч түүхий эдийн холбоо”-ны 30, Чингэлтэй, Сүхбаатар дүүргийн хог тээврийн 25 машинаар зөөвөрлөх юм байна.