Ховд аймгийн Булган суманд 21-хэн настай цагдаагийн албан хаагчийг буудан амь насыг хохироосон онц ноцтой хэрэг гарсан. Энэхүү хэргийг тус сумын 17 насны гурван иргэн үйлдсэн болохыг Мөрдөн байцаах газрынхан эд мөрийн баримтаар нотолсон билээ. Тэгвэл дээрх этгээдүүдийн цагдаагийн албан хаагчийн аминд хүрсэн хэргийг шалгах явцад тэдний хулгайн долоон удаагийн үйлдлийг илрүүлжээ. Гэмт этгээдүүдийн хүн амины хэрэгт нь Эрүүгийн хуулийн 91.2, 91.2.6, 91.2.8, 91.2.11-р зүйл анги, хулгайн гэмт хэрэгт нь 145.3-р зүйлд зааснаар ял сонсгож яллагдагчаар татан шалгажээ. Мөрдөн байцаалтын ажиллагаа дуусч байгааг цагдаагийн байгууллагаас мэдээллэж байна.