Нормандын Жерси арал дээр сонин ч гэмээр харамсмаар ч юм шиг үйл явдал болж хүмүүсийг гайхшруулжээ. Хос хун байсны нэг эм нь үхсэний дараа эр хун нисдэг тэрэгнээс салахаа больжээ. Тэр орчмын нисэх клубын хүмүүсийн хамгийн айж байгаа зүйл нь шувуу байнга нисдэг тэрэгтэй ойр байж, хамт нисэх гээд байгаа болохоор сэнсэнд өртөх юм уу, моторын хэсэгт орчих вий гэж байгаа юм байна. Клубынхан яаж оролдоод түүнийг нисдэг тэрэгнээс холдуулж чадахгүй байгаа болохоор одоо ижил хун олж өгөхийг бодож байгаа гэнэ.