Хамрын тамхи нь зөвхөн дорно дахиныхан төдийгүй дэлхий даяараа хэрэглэдэг бас л нэгэн төрлийн тамхи, тамхины гэр бүлийн нэгэн гишүүн л дээ. Гарал үүсэл нь ч ялгаагүй нэг л төрлийн ургамалын навч. Өнөөдөр дэлхий даяар Bernard Brothers, Lotzbeck, Poschl, Seita, Copenhagen, Carett snuff, Black Rappee брэндийн хамрын тамхинууд түгээл болоод байгаа. Өрнийхөн ч хамрын тамхи хэрэглэх нь элбэгшиж байна.

Утаат тамхийг бодвол хамрын тамхи нь  эргэн тойрныхондоо хортой нөлөө үзүүлдэггүй. Шатаж, халуун утаа гардаггүй ч нунтаг бодис тэр чигээрээ амьсгалын замын эрхтэн, уушгинд очиж наалдаж байгаа болохоор ямар сайн байх вэ. Бас энэ гадны биет нунтгаас болоод хамар хоолойн салст бүрхэвч гэмтэх нь ч бий.