ИНЕГ-ын Агаарын тээврийн бодлого зохицуулалтын албаны менежир Э-г “Электрон систем” компанийн захирал Б бүлэглэн тендерийн мөнгийг хувьдаа завшсан байж болзошгүй гэж үзэн эрүүгийн хэрэг үүсгэн шалгаж эхэлжээ. Сэжигтэн Э нь өнгөрсөн оны хоёрдугаар сараас 10 дугаар сар хүртэл удаа дараагийн үйлдлээр ИНЕГ-ын зорчигч бүртгэлийн сүлжээний операторын сонгон шалгаруулах төсөлд зарцуулагдах төслийн хөрөнгөнөөс 783167600 төгрөгийг бусадтай бүлэглэн завшжээ. Гэмт этгээд энэ мөнгөө Хонконгийн Пусна Лимитед, Медеа Саммит Лимитед компанийн дансаар шилжүүлсэн авсан аж. Энэ хэрэгт Эрүүгийн хуулийн тусгай ангийн 150 дугаар зүйлийн 50.3-т зааснаар бусдын эд хөрөнгийг завшсан, үрэгдүүлсэн хэрэгт холбогдуулахаас гадна Эрүүгийн хуулийн тусгай ангийн 166 дугаар зүйл ангиар мөнгө угаасан гэж үзэн шалгаж байгаа юм байна.