Өмнөговь аймгийн Гурвантэс суманд үйл ажиллагаа явуулдаг Канадын хөрөнгө оруулалттай “Саусгоби сэндс” компани 2007-2011 онд онц их хэмжээний татвар төлөөгүй аж. Энэ хэрэгт холбогдуулан “Саусгоби сэндс” компанийн захирал АНУ-ын иргэн Жастин Карбат, Санхүүгийн ерөнхий менежир асан Флиппин улсын иргэн Кристопол Данид, Халитон, Кажкон нарт холбогдох хэргийг цагдаагийн байгууллага шалгаж байгаа юм байна. ЦЕГ-ын даргын тушаалаар батлагдсан Эрүүгийн цагдаагийн газар, Мөрдөн байцаах газрын хамтарсан ажлын хэсгийнхэн мөнгө угаах гэмт хэрэгтэй тэмцэх ажлыг эрчимжүүлэх ажлын хүрээнд энэхүү хэргийг илрүүлэн шалгаж байгаа аж.