Шведийн галт тэрэгний машинч нарыг их халуунд шорт өмсөхийг хориглож харин банзал өмсөх болгожээ. Стокгольмоос умар зүг аялдаг хот орчмын галт тэрэгний машинч нар ийн сүүлийн хоёр долоо хоног банзал өмсөөд ажилдаа гарч байна. Ажил олгогч Arriva компани тэднийг шорт өмсөхийг хоригложээ. “Манай Arriva компанид ажиллаж байгаа хэн боловч гадаад төрхөөрөө хүмүүст сайхан харагдах ёстой. Энэ бүхнийг хувцас л илэрхийлнэ. Хэрэв эрчүүд банзал өмсвөл, бүх зүйл хэвийн гэсэн үг” гэж компанийн төлөөлөгч хэвлэлд өгсөн ярилцлагадаа тэмдэглэжээ. “Бид хэдийнээс л зун болоод ирэхээр банзал өмсөхсөн гэж ярьдаг байсан. Одоо маш халуун байна. Шорк өмсье гэхээр зөвшөөрөхгүй юм чинь банзлаа л өмсөнө. Банзал чинь сэрүүхэн аятайхан шүү дээ” гэж машинч Акерстен ярьж байна.