“Өнгө ба хар цагаан” дүрслэх урлагийн гэрэл зургийн нэгдсэн уралдаан болж өнгөрлөө. Энэ сарын 10-13-нд болсон эл уралдаанд 40 гаруй уран бүтээлч, 100 гаруй бүтээлээ ирүүлжээ. Тэдгээрээс гэрэл зургийн төрөлд тэргүүн байрт А.Цогтбаатарын “Амьдрал” зураг, удаах байрт Д.Даваанямын “Хүүхэд золиос биш”, гуравдугаар байрт В.Баттулгын бүтээл шалгарчээ. Харин дүрслэх урлагийн төрөлд нэгдүгээр байрт Ц.Одгэрэлийн “Нүүрс түүгч хүүхэд”, удаах байрыг Н.Ариунзаяагийн “Дэвэн тэмүүл”, О.Ганзоригийн “Зоосны уяа” бүтээл шалгарчээ. Энэ сарын 12-ныг Дэлхий дахинд хөдөлмөр эрхэлж буй хүүхдүүдийн эрхийг хамгаалах өдөр болгон тэмдэглэдэг. Энэ өдрийг угтаж манай улсад хөдөлмөр эрхэлж буй хүүхдүүдийн эрх ашгийг хамгаалах өдөр болгон тус уралдааныг зохион байгуулсан байна.