Үндэсний их баяр наадмын тухай хуулийн хоёрдугаар зүйлийн 2.6 дахь хэсгийг үндэслэн аймгийн Засаг дарга захирамж гарган зарим сумдын ойн арга хэмжээг зохион байгуулах өдрийг тогтоолоо. Аймгийн Засаг даргын а-283 тоот  захирамжаар тус аймгийн Баяндалай, Мандал-Овоо, Ноён, Хүрмэн сум байгуулагдсаны түүхт 90 жилийн ойн арга хэмжээг 07-р сарын 24, 25-ны өдрүүдэд тэмдэглэн өнгөрүүлэхээр болсон байна.   
Баяр наадмын үйл ажиллагаатай холбогдуулан сумын ойг тэмдэглэх бэлтгэл ажлыг сайтар хангаж, өндөр хэмжээнд зохион байгуулалттай ажиллахыг дээрх дөрвөн сумдын Засаг дарга нарт үүрэг болгожээ.