Монгол орон 50 жилийн дараа Сахарын цөл шиг хуурайшиж, агаарын хэм хэд дахин дулаарах тухай Цөлжилттэй тэмцэх олоон улсын байгууллагынхан манайд анхааруулж байна. Учир нь манай орны хувьд цөлжилтөөрөө Азидаа тавдугаарт орж байгаа юм.Олон улсын байгууллагынхны судалгаагаар манай улсын нийт нутгийн 72,5 хувь нь цөлжилтөд ямар нэг хэмжээгээр өртсөн байна. Уг нь цөлжилттэй тэмцэхэд зарцуулдаг улсын төсвийн хөрөнгийн хэмжээ сүүлийн жилүүдэдэ тасралтгүй өсч ирсэн байх юм. Тухайлбал, 2007 онд 600 сая, 2008 онд тэрбум төгрөг зарцуулсан бөгөөд 14 аймгийн нутаг дэвсгэрт цөлжилттэй тэмцэх 230 төсөл хөтөлбөр арга хэмжээг санхүүжүүлжээ. Түүнээс гадна НҮБ-ын хөршийн хөтөлбөр, Даян дэлхийн байгаль хамгаалах сан, Швейцарийн хөгжлийн агентлаг, Японы тусламжийн байгууллагаас газрын тогтвортой менежмент, мөн бэлчээрийн тогтвортой менежмент төсөл, БНСУ-ын "Ногоон хэрэм" зэрэг донор орнуудын төсөл хэрэгжсэн.