Германы Постдам-Миттельмарк дүүргийн иргэн 43 настай шүдний эмч, даатгал авахын тулд хуруугаа тайрсан, хуулийн байгууллагад худал мэдүүлэг өгсөнийх нь төлөө  шүүхээс ял оноосон байна. Шүдний эмч болохоор түүний өрөөнд хоёр эрэгтэй дайран орж ирээд мөнгө, алт нэхсэн, түүнийг нь өгөөгүй болохоор зүүн гарынх нь долоовор хурууг тайрчихаад яваад өгсөн гэж мэдүүлжээ. Цагдаагийнхан хэргийг мөрдөн шалгах явцад энэ бүхэн худал болохыг нь хэд хэдэн зүйлээр нотолсон байна.
Хэрэв энэ бүхэн үнэн байгаад даатгалын байгууллага хүлээн зөвшөөрсөн бол эмч хөдөлмөрийн чадвараас алдсаны төлөө 600 мянган евро, дээрмийн халдлагад өртсөнийхөө төлөө 250 мянган евро авах байжээ.