АНУ-ын Иллинойс  мужид нэгэн согтуу эр хүүхдээ машинд орхисноос болоод жаал хүү нас барсан харамсалтай хэрэг гарчээ. О’Фаллон хотын иргэн Уэйн Хаберт хоёр настай хүүгээ машиндаа орхиод гэртээ орж шалан дээрээ унтаж орхисон байж. Тэр үед агаарын температур 32 градус байсан нь машинд лавтай 57 градус хүрсэн бололтой. Хүүгийн ээж ажлаасаа ирээд жаалаа нас барсан байхыг олж цагдаад мэдэгдсэн байна. 32 настай Уэйн Хабертыг санамсаргүй байдлаар хүний амь бүрэлгэсэн хэрэгт шалгаж эхэлжээ. Үүнээс гадна түүнийг юугаа ч мэдэхгүй унтаж байхад гэрт нь таван настай охин нь харах хүнгүй байсан нь аюулд өртөж болох байж гэж цагдаагийнхан үзэж байна.
1998 оноос хойш зөвхөн Иллинойс мужид гэхэд л машин дотроо бага насны хүүхэд орхисноос  болж 14 хүүхэд нас барсан бол АНУ-д жил бүр ийм байдлаас болж дунджаар 40 орчим хүүхэд нас бардаг байна.
Саяхан бас Флорида мужийн Пальметто хотод эцэг эх нь гурван настай хүүхдээ машинд мартаж хаалга цонхыг нь хааж орхисноос нас барсан хэрэг гарсан байна. Тэд хоёр хүүхдээ авч буусан атлаа хөөрхий хүүг мартсан нь ийм эмгэнэлт явдалд хүргэжээ.