Зах зээлийн нийгэмд ажлаа хаяж, ганзгын наймаа хийсэн, ажлаасаа орон тооны цомхотголоор халагдсан хүн олон байдаг. Тэгвэл тэдний ажилласан жилийг нөхөн олгох үүднээс Ажилласан жил, тэтгэврийн даатгалын шимтгэлийг нөхөн тооцох хуулийг баталсан билээ. Энэ хуулийн хүрээнд өөрөөс нь үл хамаарах шалтгаанаар 1990-1995 оны хооронд ажил эрхлээгүй, 1995-2000 онд нийгмийн даатгалын шимтгэл төлөөгүй хугацааг нөхөн тооцуулах боломжтой болсон юм. Тэгвэл энэ хуулийн хэрэгжилт ирэх наймдугаар сарын 1-нд дуусгавар болох аж. Тиймээс иргэд, хөдөлмөрчид 1990-1995, 1995-2000 оных хооронд ямар нэгэн байдлаар ажил хөдөлмөр эрхлээгүй бол тэр хугацаагаа нөхөн бичүүлэхийг Нийгмийн даатгалын Ерөнхий газраас анхааруулж байна.