Ерөнхийлөгч аливаа тэмдэглэлт баяр, наадмаар архи биш сүү барих уриалга гаргаад хоёр гурван жил болж байгаа билээ. Уриалга гарснаас хойш зарим айл өрх цагаан сараар архи дарс бус сүү барьж хэвшиж буй. Гэтэл манай төрийн түшээд л үүнийг хэрэгжүүлж чадахгүй байгаа бололтой. Хэдхэн хоногийн өмнө төрийн наадамд түрүүлсэн Улсын аварга Г.Эрхэмбаярыг Сэлэнгэ нутгийн төрийн түшээд Төв цэнгэлдэх хүрээлэнгийн тусгай өрөөнд хүлээн авч уулзаж баяр хүргэсэн бололтой юм. Ингэхдээ шинэ аваргад баяр хүргэж лонх “юм” мулталж баярын хундага тогтоожээ. Үүнийг гэрчлэх гэрэл зураг олон нийтийн мэдээллийн хэрэгслээр цацагдаж байна. Тухайлбал, Сэлэнгэ нутгаас сонгогдон ажиллаж байгаа УИХ-ын гишүүн С.Баярцогт хундага барьсан зураг фэйсбүүкийг “чимэж” байна.