Супермодель Кейт Мосс их ажлын дараахь амралтаа Италид гэр бүлтэйгээ хамт өнгөрүүлж байна. Тэрээр өнгөрсөн нэг жилийн хугацаанд 12 сая фунтийн ашиг орлоготой ажилласныг хэвлэлүүд тооцон гаргажээ. Энэ бол түүний жил тутмын орлого 2012-2013 онд бараг гурав дахин нэмэгдсэн гэсэн үг юм. Мэдээж энэ их мөнгийг олохын тулд тэрээр завгүй хөдөлмөрлөсөн учир одоо түр амсхийж, Италид далайн эрэгт наранд биеэ шаран амарч тухалж байна.
Ирэх нэгдүгээр сард 40 насны босго алхах Кейт Мосс бол 1990-ээд оноос хойш тасралтгүй 20 гаруй жил дэлхийн загварын тайзнаа алхаж буй цөөн моделийн нэг. Тэрээр маш олон брэндийн нүүр царай болж, сурталчилгаанд нь тоглох зэргээр орлогын эх үүсвэрээ бүрдүүлдэг юм.