Москвагийн нэгэн жолооч хориглосон газарт машинаа тавьсны төлөө хагас жилд 300 удаа торгуульж дээд амжилт тогтоолоо гэж хотын захирагчийн орлогч Максим Ликустов сэтгүүлчдэд мэдэгдсэн байна. Жолоочийн нэрийг нийтэд зарлаагүй ч түүнийг ямар нэгэн албан тушаалтан биш гэжээ. Машинаа зориулалтын бус газарт тавьж орхиход торгууль нь 2500 рубль байдаг болохоор мань жолооч нийтдээ 750 мянган рублийн торгууль төлсөн болж таарч байна. Тэгээд ч албаныхан түүнийг торгуулиа тухай бүр төлж байсан гэжээ. Ликустов бас жолооч нарын 80 хувь нь торгуулиас зугтахын тулд машиныхаа дугаарыг нууцалдаг гэдгийг бас хэлжээ.