2000 оны эхээр “Уруулын будаг” гэдэг чамин нэртэй дөрвөл охидын хамтлаг гарч ирээд тав зургаан жил Монголын рок, попын тайзанд өрсөлдөгчгүй шахам дуулж, бүжиглэцгээсэн билээ. Гэзэг үсээ солонгын долоон өнгөөр будаж, гадаад имиджээ тун ч зоригтой шинэлэг байдлаар бүрэлдүүлсэн “Уруулын будаг”-нууд Б.Долгион продюсерын уйгагүй зүтгэлийн үрээр охидын хамтлаг гэдэг шинэ төрлийн хөгжмийг Монголын урлагт гаргаж ирснийг хэн ч үгүйсгэхгүй биз ээ. “Хүрээ хүүхнүүд” дууг өөрсдөө гитараа тоглон тун ч донжтой дуулан гарч ирсэн дөрвөн өөр өнгийн “Уруулын будаг”-нуудын өнөөдрийн амьдрал ч өөр өөрийн өнгөөр туяарч байгаа сурагтай. Монголдоо бvгд урлагийн дээд мэргэжил эзэмшсэн “Уруулын будаг”-нууд ихэнх нь гадагшаа гарч хоёр дахь шатны дээд мэргэжлээ эзэмшицгээж тус тусын амьдралаа хөөж яваа. Харин адтай сэргэлэн, царайлаг бvсгvй гэгддэг хамтлагийн ахлагч Ц.Дэлгэрмаагийн тухай хамгийн сүүлийн үед нэгэн таагүй мэдээлэл тархаад байгаа нь дампуурлаа зарлаад тав, зургаан жил болж байгаа “Зоос” банкнаас нэлээдгүй хэмжээний мөнгө зээлчихээд тэр чигээрээ “усанд хаясан чулуу” шиг л алга болчихсон явдал нь гэнэ.

 “Төрийн банк” нэртэй болж найдваргөй зээлдэгч нараасаа хэдэн бор юм аа ямар аргаар салгаж авахаа мэдэхгөй ацан шалаанд орсон банкныхан аргаа бараад хэвлэл мэдээллээр зарлаж, алдсан хvний арван тамыг эдэлж суудаг байна. “Зогсолтгүй эргэх хүчний бэлгэдэл Зоос банк”-ыг залгилцсан хvний тоо нэгээр нэмэгдэж тэр эрхэм нь “Уруулын будаг”-аа арилгасан Ц.Дэлгэрмаа бүсгvй болж. Түүнийг Цагдаагийн байгууллагаас эрэн сурвалжилж байгаа аж. Энэ тухай мэдээлэл ЦЕГ-ын вэб сайтад алга болсон болон эрэн сурвалжилж байгаа хүмүүсийн дунд нийтлэгджээ. Түүнийг 2011 оны арванхоёрдугаар сарын 13-наас хойш эрэн хайж байгаа бололтой.