Холливудын хамгийн чимээгүй буюу элдэв хов живд өртдөггүй сайхан гэр бүлийн нэг бол яах аргагүй Майкл Дугласын гэр бүл байсан. Хэдийгээр насны зөрүү их ч хамгийн тохирсон хос хэмээн нэрлэгддэг тэдний амьдрал 13 жил үргэлжилсний эцэст тэд энэ бүхэнд цэг тавихаар шийджээ. Хосууд 1998 онд Францад болсон кино наадмын үеэр танилцаж, 2000 онд албан ёсоор гэрлэн Дайлан, Кейрис гэх хүү, охинтой болсон хэдий ч хосуудын аль аль нь сүүлийн жилүүдэд эрүүл мэнд нь тийм ч сайн байгаагүй. Тэд өнгөрөгч дөрөвдүгээр сард Манхаттенд болсон гала тоглолтоос хойш хэвлэлээр хамтдаа харагдаагүй. Энэ талаар “People” сэтгүүлд өгсөн ярилцлагадаа Майкл “Би хүүхдүүддээ маш их хайртай. Хэн хүнд заяагаад байдаггүй сайхан гэр бүлийн амьдралыг хоёр ч удаа мэдэрсэн би азтай хүн” хэмээжээ. Харин Катеринийн хувьд тэрээр хамгийн сүүлд өнгөрсөн сард нээлтээ хийсэн “Red 2” кинонд дүр бүтээсэн юм.