Холливудын хамгийн сайхан бүсгүйн нэгд зүй ёсоор багтдаг Скарлет Ёхансон жилийн өмнөөс жирийн нэгэн сэтгүүлч залуу Ромейн Дауриктай үерхэж эхэлсэн. Тэрээр Венецийн кино наадам дээр “Under the skin” нэртэй шинжлэх ухааны зөгнөлт киногоо танилцуулах үеэр ирэхдээ маш гоёмсог алмазан бөгж зүүсэн байжээ. Түүний ойрын эх сурвалжийн мэдээлж буйгаар “Ромейн сарын өмнө түүнд санал тавьсан. Бөгжний хувьд Art Decо-с сонгосон” гэжээ. Энэ мэдээг сонссон түүний шүтэн бишрэгчид маш ихээр сэтгэлээр унасан талаараа цахим ертөнцөөр дамжуулан илэрхийлсээр байна.