АНУ-ын хөгжмийн ертөнцөд түүнийг реппер дундаа хамгийн ширүүн дориун зантай, хэлэх үгээ шулуухан хэлчихдэг нэгэн гэдэг. Түүний энэ занг MTV-н тайзан дээр Тейлор Сфитийн шагналыг Бейонсид өгөх гэж хэрхэн зүтгэж байснаас нь санах байх. Саяхан үрийн зулай үнэрлэсэн хэдий ч тэрээр дахиад л шуугиан дэгдээлээ. Юу гэвэл өнгөрсөн долоон сард  LAX онгоцны буудал дээр түүний зургийг авах гэж зүтгэсэн папарицид дургүйцлээ илэрхийлсэнтэй холбоотой юм. Зурагчинг Даниел Рамос гэх ба Уэст  түүний дуранг шидэж, хэд хэд цохисны улмаас  гуяндаа хүнд шарх авсан гэнэ. Энэ байдалд гомдолтой байгаа Даниел Уэстийн эсрэг шүүхэд гомдол мэдүүлснээ өнгөрсөн долоо хоногт хэлээд  хамгийн гол нь түүний бүдүүлэг занг нь зогсоохын тулд ингэж  байгаагаа мэдэгджээ. Анхны шүүх хурал ирэх сарын 10-ны өдөр болох ба мэргэжилтний үзэж буйгаар хэрвээ хэрэг репперийн талд шийдэгдэхгүй бол нэг жилийн ял авах нь тодорхой гэнэ.