Жон Дойл хэмээх 30 настай энэ эр нүдээ бүлтийлгэж дэлхийн рекорд тогтоох гэсэн боловч нүдний алимаа аяганаас нь хэтэрхий урагш гаргасан учир хэмжиж чадаагүй гэнэ. Жон Дойлын нүдийг хэмжих гэж авчирсан хэмжигчийн нь 12 мм-ийн урттай байж. Гэтэл Жон Дойл түүнээс даруй 2 мм-ээр илүү буюу бараг 14 мм орчим бүлтийлгэсэн аж. Нэгэнт үүнийг нь яг цав хэмжиж чадаагүй учир энэ удаадаа дэлхийн рекордыг эвдэх гэсэн оролдлого нь бүтэлгүйтжээ. Гэхдээ тэрээр дэлхийн дээд амжилт тогтоохоос өмнө Youtube-ээр аль хэдийнэ олны танил болжээ. Түүний нүдээ бүлтийлгэж буй бичлэгийг хүмүүс ихэд сонирхон үзэж байгаа гэнэ.