Супермодель Кейт Мосс загварын тайзнаасаа бага зэрэг хөндийрч, харин загварын мэргэжилтнээр ажиллаж эхэлж байна. Тэрээр "Vogue" сэтгүүлийн зураг авалтад зөвлөгөө өгч, мэргэжлийн үүднээс хамтарч ажиллах болсон юм. Гэвч сэтгүүлийн шинэ дугаар гарахын өмнөхөн тэрээр Британийн жихүүн өдрүүдийг ардаа орхин нарлаг Карибын тэнгист хэд хоног амарч байна. 20 жилийн өмнө загварын ертөнцөд дуутайхан орж ирсэн 39 настай топ модель хүний нүднээс далд жинхэнэ амралтаа эдэлж байгааг паппарацууд алдахгүй дурандаа буулгаж амжжээ.