Дуучин Женнифер Лопез барби хүүхэлдэйн дүрд "хувирав". "Mattel" компаниас алдарт дуучны дүр төрхөөр барби хүүхэлдэй урлан, цөөн тоогоор үйлдвэрлэжээ. Энэ бол барби хүүхэлдэй цуглуулагчдад тусгайлан зориулан гаргасан хүүхэлдэй юм. Хүүхэлдэйг хоёр янзын хувилбараар хийсний нэг нь Зухэйр Мурадын загварын даашинз өмссөнөөр нөгөө нь, 2012 оны дэлхий тойрсон аялан тоглолтын хувцастайгаар гарчээ. Хэдийгээр хүүхэлдэй нь дуучинд өөрт нь таалагдсан ч олон нийтийн зүгээс нэлээд шүүмжлэл сонсч байна. Учир нь, хүүхэлдэйн хувцас нь л Жей Лотой адилхан болсноос түүний биеийн галбирыг огтхон ч гаргаагүй, ердийн л барбитай ижилхэн харьцаатайгаар хийжээ.