Дэлхийн Химийн зэвсгийг хориглох байгууллага (ХЗХБ) энэ оны Нобелийн Энх тайвны шагналыг хүртлээ. Тус байгууллагын захирал химийн зэвсгийг устгана гэдгээ амлажээ.

Норвегийн Осло хотноо болсон шагнал гардуулах ёслолын үеэр ХЗХБ-ын нэрийн өмнөөс уг шагналыг тус байгууллагын ерөнхий захирал Ахмет Узумчу гардан авсан байна.
"Химийн зэвсэгт хохирсон хүмүүс амьдралынхаа үлдсэн хугацааг биеийн болон сэтгэл зүйн тэсвэрлэхийн аргагүй шаналалтай өнгөрүүлдэг. Ийм учраас л химийн зэвсгийг хориглох ёстой" гэж Узумчу хэлэв.
Сирийн онц аюултай химийн зэвсгийн бодисуудыг далайд, тусгайлан тоноглогдсон хөлөг онгоцон дээр устгах төлөвлөгөөг ХЗХБ хэрэгжүүлж байгаа билээ.