АНУ-ын Колорадо мужийн Арафой хотын ахлах сургуульд нэг сурагч нь гал нээж, хоёр хүүхдийг шархдуулсан явдал гарлаа. Хэрэгтэн гал нээснийхээ дараа өөрөө бууны суманд өртөж, нас барсан байна. Цагдаагийнхны мэдээлж буйгаар тэрээр сургуулийнхаа нэг багштай муудалцаж түүнийг хөнөөхөөр зориуд буу авчирсан бөгөөд энэ үед түүнийг өөр нэг эмэгтэй сурагч болиулж саатуулах гэж оролдсон байна. Энэ үед өнөөх багш сургуулиас гарч, зугтаж амжжээ. Харин хэрэгтнийг саатуулах гэсэн 15 настай охин хүндээр шархдаж, мэс засалд орсон байна. Харин нөгөөх хохирогч нь хөнгөн шарх авсан байна. 2200 сурагч, 70 анги танхимтай энэ сургуульд цагдаагийнхан нэгжлэх хийх явцдаахоёр ч тэсрэх бөмбөг олжээ. Энэ сургуулиас 13 км-ийн зайд Колумбины ахлах сургууль байдаг юм. Тэр сургуульд 1999 онд үүнтэй адил галт зэвсгээр өдүүлсэн хүн амины хэрэг гарч 14 хүүхэд амиа алдсан эмгэнэлт явдал болж байжээ.
Одоогоос яг жилийн өмнө Сэнди Хүүкийн бага сургуульд мөн л галт зэвсгээр олон арван хүүхдийн аминд хүрсэн аймшигтай хэрэг гарч, АНУ-ыг төдийгүй дэлхий нийтийг цочирдуулж байсан билээ.