Их Британийн ханхүү Харри өмнөд туйлд хүрчээ.  Тэрээр гурван долоо хоногийн турш 200 гаруй миль газрыг явганаар туулж дэлхийн өмнөд туйлд хүрсэн байна. Ханхүүгийн аялал "Шархдагсадтай хамт явсан нь" нэртэй юм. Учир нь,  Британийн армид алба хааж байгаад шархдаж, тахир дутуу, хөл гаргүй болсон 12 хүн ханхүүтэй хамт өмнөд туйлыг зорьсон юм. Тэдний дунд дэлбэрэлтийн улмаас хоёр хөлгүй болсон цэрэг ч байгаа аж.
Афганистанд цэргийн ажиллагаанд оролцож, энхийг сахиулж байсан ханхүү Харри цэрэг армийнхантай ойр дотно хамтран ажиллаж, үүргээ гүйцэтгэж яваад шархдаж гэмтсэн цэргүүдэд туслах олон үйл ажиллагаа зохион байгуулж байсан. Тэрээр 2011 онд хойд туйл руу аялах төлөвлөгөөтэй байсан ч ахынхаа хуримд оролцохын тулд больсон юм.