ОХУ-ын Санкт-Петербург хотноо 200 сая рубль тээвэрлэж явсан машин дотор хоёр мөнгө хураагч амь үрэгдсэн байх нь олджээ. Харин мөнгөнд хэн ч гар хүрээгүй бүрэн бүтэн байсан байна. Тэд “Открытие” банкнаас мөнгө аваад шөнө дунд өөрсдийн албан байгууллага руу явж байсан бололтой. Машинд дөрвөн мөнгө хураагч явж байсны нэг нь автомат буутай байжээ. Цаашид юу болсон нь одоогоор тодорхойгүй байна. Цагдаагийнхны таамаглаж байгаагаар бол хоёр мөнгө хураагч муудалцаж бие биенээ буудсан бололтой. Нэгийнх нь биед автоматын 11 сум орсон байхад нөгөөд нь гар бууны долоон сум орсон байснаас үзэхэд тэд нэгэн зэрэг галлаж эхэлсэн бололтой. Нөгөө хоёр мөнгө хураагч нь унтаж байгаад буун дуугаар сэрсэн гэж байна. Одоогоор тэднийг асуун шалгаж эхэлжээ.