"X Factor" шоуны шүүгч, продюсер Саймон Ковеллыг цээжээ том харагдуулахын тулд гоо сайхны мэс засал хийлгэсэн гэдэг яриа гараад байна. Саймоны цээж сүүлийн үед мэдэгдэхүйц томорсон нь хэвлэлүүд ийн таамаглахад хүргэжээ. Хамгийн сүүлд найз бүсгүйтэйгээ хооллохоор гарах үед паппарацуудын авсан зурагт энэ нь илт мэдэгдэж байсан гэнэ. Гэвч Саймоны ойр дотны эх сурвалж үүнийг мэс засал биш, бодибилдингээр идэвхтэй хичээллэсний үр дүн гэж хэвлэлд ярьжээ. Гэхдээ Саймоны ер бусын том цээжний тухай X Factor шоуг хамтран шүүдэг нөхөд нь ч хошигнож "Саймон удахгүй төрөх хүүхдээ өөрөө хөхүүлэх гэж байгаа юм" хэмээн шоуны үеэр түүнийг ичээжээ.