Конни Ллойд хэмээх энэ охин эхээс мэндлэхдээ л алиалагчийнх шиг улаан хамартай төржээ. Охиныг хэвлийд байх нь эхогоор авсан зураг дээр ч улаан хамар нь тод харагддаг байж. Алиалагч шиг эсвэл зул сарын буга Рудольф шиг бяцхан улаан хамраас нь болоод охиныг үеийн хүүхдүүд нь шоолж дооглох вий хэмээн эцэг эх нь эмээсэндээ эмнэлэгт хандан улаан тэмдгийг нь авахуулжээ. Охины хамар дээрх улаан тэмдэг нь нэг төрлийн хавдар байсан аж. Гэвч түүнийг 10 нас хүрэхээс өмнө авах хэрэггүй гэж эмч нар зөвлөсөн боловч эцэг эх хоёр нь охиноо сургуулийнхаа найз нөхдийн дунд өөртөө итгэлтэй яваасай гэсэдээ мэс засалд оруулсан байна. Учир нь, охиныг цэцэрлэгт явдаг байх үед хүүхдүүд улаан хамрыг нь сонжиж сониучирхан тоглоом хийдэг нь Коннид өөрт нь маш хэцүү байдаг байжээ. Тэр бүр хоёр настай байхдаа ээждээ “Би тань шиг хамартай болмоор байна” гэж хэлдэг байсан учир эцэг эх нь хандивын байгууллагад хандсанаар охиныг мэс засалд оруулах мөнгөтэй болжээ. Одоо охины мэс заслын шарх аниж, тэрээр өөртөө итгэлтэй, сургуульдаа дуртай явдаг болсон байна.