АНУ-ын тэргүүн хатагтай Мишель Обама удахгүй болох төрсөн өдрөө гэрээсээ хол, ганцаараа тэмдэглэх нь. Тэрээр энэ сарын 17-нд 50 нас хүрэх юм. Гэвч 50 насны ойгоо тэргүүн хатагтай гэр бүлийнхэнтэйгээ бус харин найз нөхөдтэйгөө Хавайд тэмдэглэхээр төлөвлөжээ. АНУ-ын Ерөнхийлөгч Б.Обамагийн гэр бүл зул сарын баярыг тохиолдуулан Хавайд 15 хоног амарсан юм. Ерөнхийлөгч амралтаа дуусгаад хоёр охиноо аван Цагаан ордонд өчигдөр буцаж ирсэн бөгөөд харин тэргүүн хатагтай Хавайд ганцаараа үлджээ.