Алан хядагчийн, бөмбөг бэхэлсэн бүстэй охиныг Афганистанд саатууллаа хэмээн Би-би-си агентлаг мэдээллээ. Түүнийг өмнөд нутгийн Гильменд мужид хилийн эргүүл хийж байгаа цагдаагийн байрыг дэлбэлэх гэж байхад нь баривчилжээ. Найман настай тэр охин Талибан хөдөлгөөний дарга нарын нэгний дүү байж магадгүй гэнэ. Афганистаны Дотоод яамны төлөөлөгчийн хэлснээр бол охин объектод ирсэн ч бөмбөгөө ажиллуулах товчлуурыг нь дарж чадахгүй байх үед нь анзаарч баривчилжээ.
Олон хүүхэд тээвэрлэсэн машины цувааг 2012 оны эхээр саатуулсан юм. Хамгийн бага нь зурган настай хэд хэдэн хүүхэд байсан тэднийг алан хядагчдыг бэлтгэдэг шашны сургууль руу авч явсан гэсэн мэдээлэл байдаг. Мөн 12 настай нэг хүү өөрийг нь Гильменд мужид “Талибан” хөдөлгөөний дайчид алан хядлага, амиа золиослох ажиллагаанд сургаж бэлтгэсэн гэж ярьсан юм. НАТО-гийн цэргийн ажиллагааны үеэр эцэг эх нь амь үрэгдсэний дараа буюу гурван сарын өмнө тэр жаалыг можахидууд ууланд аваачсан гэнэ.