Хойд Солонгосын удирдагч Ким Чен Ун хүргэн ах Чан Сон Тэкийг 120 өлсгөлөн нохойгоор тасчуулан цаазаар авсан тухай мэдээ сүүлийн хэдэн өдөр дэлхийн хэвлэл мэдээллийн агентлагуудын анхаарлын төвд байгаа. Бүгд л Ким овогтон ба коммунист дэглэмийн харгис хэрцгийг гайхацгаасан. Эргэлзсэн хүмүүст мэдээг Хятадын төрийн том хэвлэлд гаргасан болохоор 100 хувь үнэн юм гэцгээж байлаа.
Гэтэл энэ мэдээг арванхоёрдугаар сарын 11-нд Хятадын  “Weibo”-п Пеньян Чой Сэнхүү нэрээр блог хөтөлдөг нэрт шог зохиолч марзаганал маягаар бичсэн гэдгийг Чикаго хотод ажилладаг программ зохиогч инженер Тревро Пауэлл тодруулсан байна. Нэртэй шог зохиолчийн марзаганалыг хамгийн анх хуулбарлан бичсэн Хонконгийн “Wen Wei Po” нэртэй сонин нийтлэлийг хошигнол бус харин 100 хувь баримтаар нотлогдсон ноцтой мэдээ болгон өөрчлөхийн сацуу эх сурвалжаа дурдаагүйгээс дэлхийг хамарсан дуулиан дэгдсэн байна.
Хонконгийн сонин дээр гарсан мэдээг Сингапурын “Straits Times” сонинд дуулиант мэдээ болгон нийтэлсний дараагаар өрнөдийн мэдээллийн хэрэгслүүд хуулбарлан авч дэлхийн №1 сенсаац болгожээ.