Дели хотод авлига авч, нэхэж байгаа албан тушаалтнуудын талаар мэдээлэл өгөх боломжтой утасны шинэ үйлчилгээ нээжээ. Тус утсаар ярьсан хүн болгон авлига авч байгаа албан тушаалтны талаарх гомдлоо хэлнэ. Гэхдээ зүгээр нэг хэлээд байхгүй өөрийн нэр, хаяг, холбоо барих утасны дугаарыг үлдээж байхаар болжээ. Мөн тус дугаар руу залгавал авлига авч байгаа үйлдлийг гар утас, диктофон, видео камер ашиглан хэрхэн баримтжуулж байх тухай нарийвчилсан зөвлөгөөг өгч байх аж.
Ийм дугаарыг Дели хотын парламентад дийлэнх олонх болсон “Аам Адми” намын бүлэг санаачлан хэрэгжүүлжээ. Энэ нам нь цагтаа авлигын эсрэг олон нийтийн хөдөлгөөний суурин дээр бий болсон түүхтэй юм.
Утас нь авлигачдыг айлгах гэсэн зорилготой юм байна. “Transparency International” байгууллагаас гаргасан рейтингээр Энэтхэг авлигын түвшнээр 94 дүгээр байрт  орсон юм.