ОХУ-ын Ставрополийн хязгаарын харьковын постоор өнгөрч явсан шугамын автобуснаас алан хядагчийн бүс бүсэлсэн нэгэн эмэгтэйг хууль сахиулах байгууллагынхан баривчлан саатуулсан байна. Тэрээр бас бага насны нэгэн хүүхэд дагуулж явжээ. Автобусанд зорчиж явсан хүмүүсийг болон ойр хавийн иргэдийг нүүлгэн шилжүүлж аюулгүй болгосон байна. Холбооны мөрдөх албаныхан хэргийг мөрдөн шалгаж байгаа ч эмэгтэйн талаар болон бөмбөг, тэсрэх бодисын тухай мэдээлээгүй байна.
Шинэ оны босгон дээр Волгоград хотын төмөр замын буудал, шугамын автобусанд цуврал дэлбэрэлт болж 30 гаруй хүний аминд хүрсэн юм. Хоёр дэлбэрэлтийг хоёуланг нь амиа золиослогч үйлдсэн юм.