Болчимгүй үйлдлээсээ болж ямагт дуулиан тарьж явдаг франц, оросын иргэн Жерар Депардье сая өөрийнхөө гэр байдаг Италийн Лечче хотод ээлжит шуугианаа тариад амжжээ. Тэрээр хооллохоор хотын төвд байдаг нэг зоогийн газарт ороод байтал хоолны танхимд хүн олонтой шуугиан ихтэй байснаас бурхимдаж үйлчлүүлэгчид болон зоогийн газрын эзэн рүү ус  цацаж “танхайрсан” байна.
Үйл явдлын газарт ирсэн цагдаагийнхан Депардьед энэ үйлдлийнх нь төлөө танхайрсан гэж үзэн баривчлах, торгох арга хэмжээ авна шүү гэдгийг анхааруулсан байна.
Энэ бол жүжигчний сүүлийн үед тарьж байгаа анхын дуулиан биш. Өнгөрсөн ням гарагт төрсөн нутаг Паристаа болсон  нэг тоглолтын дараа шүтэн бишрэгчиддээ гарын үсэг өгөлгүй таг чиг зугтсан явдал бий. Тэр алга ташин хүндэтгэл үзүүлж, гарын үсэг авах гэж түлхэлцсэн  үзэгчдийн дундуур зүтгэсээр шууд гараад мотоциклоо унаад явж өгчээ.