Австралид хэт халуун болж байгаагаас болоод сарьсан багваахай олноороо үхэж эхэлжээ. Тус улсын зүүн хойд нутгийн Квисленд мужид цельсийн 43 градус хүрч халж байгаагаас хэд хэдэн удаа сарьсан багваахайнууд бөөнөө үхсэн нь нийтдээ 100 мянгаар тоологдоно гэж судлаачид хэлж байна. Тэд ердөө л халуунаас болоод нисч байх үедээ үхэцгээж байгаа гэнэ. Сарьсан багваахайнууд суурин газар, айлуудын хашаанд унаж үхэж байгаа болохоор эмч мэргэжилтнүүд тэдгээрт хүрэхгүй байхыг иргэдэд анхааруулж байна. “Тэднээс янз бүрийн вирус халдварлаж мэднэ. Олонхи сарьсан багваахай үхсэн мэт байвч үнэн хэрэгтээ амьд байдаг болохоор хүрэх үед хазаж, халдвар тархааж магадгүй” гэж доктор Жанет Янг хэлж байна. Одоо эрх баригчдад үхсэн сарьсан багваахайнуудыг хамж зайлуулах их ажил тулгараад байна.