Австралийн агаарын тээврийн "Qantas Airways" хамгийн аюулгүй авиа компаниар шалгарчээ.  "AirlineRating.com" цахим хуудаснаас олон улсын томоохон 448 авиа компанийг эрх бүхий байгууллагын хийсэн аудитын шалгалтын дүн болон осол эндэгдлийн тоо баримтаар харьцуулан дүгнэж, шалгаруулахад 93 жилийн өмнөөс үйл ажиллагаа явуулж эхэлсэн "Qantas" компани 1951 оноос хойш нэг ч удаа осол эндэгдэл гаргаагүйгээрээ тэргүүлсэн байна. Австралийн бахархал болсон имжний логогоороо алдартай тус компанийн араас Шинэ Зеландын "Air New Zealand" хоёрдугаарт, Эмиратын "Emirates Airlines" гуравдугаарт орж, "Etihad Airways", "Cathay Pacific", Сингапурын "Singapore Airlines", "Virgin Atlantic", Тайванийн "Eva Air", Японы "All Nippon Airways", Йорданы "Royal" Jordanian компаниуд араас нь оржээ.