Автомат буугаа угаалгын машинд хийж угаасан цэргийн нэгэн албан хаагчид Өмнөд Солонгосын шүүх хагас жил шоронд хорих ял өгөөд бас 80 хоногийн засан хүмүүжүүлэх ажил хийлгэхээр шийтгэжээ. Шүүх хурал дээр өнөөх цэрэг болсон явдлыг ярихдаа өдрийн сургуулилтын дараа дарга нь буугаа цэвэрлэх тушаал өгөхөөр нь Daewoo K-2 маркийн винтовоо угаалгын автомат машинд хийгээд таван минут л эргүүлсэн гэж ярьжээ. Шүүгдэгч энэ үйлдэлдээ харамсч байгаагаа хэлсэн ч шүүх үүнийг нь цэргийн бусад албан хаагчдад муу үлгэр дууриал үзүүлнэ гэж үзсэн байна.