Төрийн эргэлт зохион байгуулах гэсэн, мөрийтэй тоглосон хэргээр өнгөрсөн арванхоёрдугаар сард цаазалсан авга ах Чан Сон Тхэкийнхээ оронд Умард Солонгосын удирдагч Ким Чен Ун өөрийнхөө эмэгтэй дүүгээ томилжээ. Дүү Ким Е Жон нь ийн Солонгосын хөдөлмөрийн намын 24 дүгээр хэлтэс буюу намын санхүүг хариуцах болж байна.
Энэ хэлтэс Солонгосын Ардын армийн нөхөн хангалтын ажил буюу нүүрс, эрчим хүч, шатахуун, хувцас бусад хэрэгслийг хариуцан нийлүүлдэг юм. Сая цаазаар авхуулсан авга ах нь энэ албыг хариуцаж байсан юм.
Үүний зэрэгцээ их удирдагчийн дүү эмэгтэй бас Тэсон банк, Хөгжил нэгтгэлийн банк, аялал жуулчлалын болон төмөр замын томоохон төслүүдийг удирдах болж байгаа юм.
Гадаадын зарим хэвлэлийн мэдээлснээр бол энэ албыг хашъя хэмээн дэд маршал Чхве Рен Хе өөрөө  Ким Чен Унаас хүссэн ч тэр үүнийг нь няцаагаад оронд нь дүү эмэгтэйгээ томилжээ.