ОХУ ба Унгар хоёр цөмийн эрчим хүчийг энхийн зорилгоор ашиглах тухайд Засгийн газар хоорондын хамтран ажиллах гэрээ байгуулсан байна. Унгарын Ерөнхий сайд Виктор Орбан ба ОХУ-ын Ерөнхийлөгч Владимир Путин нарыг байлцуулан хоёр орны Засгийн газрын сайдууд гарын үсэг зурж гэрээг хүчин төгөлдөр болгожээ. Энэ гэрээний дагуу Оросын компаниуд Унгарт “Пакш” цөмийн станцын одоо ашиглагдаж байгаа дөрвөн реактор дээр нэмж өндөр хүчин чадалтай хоёр ширхэг цөмийн реактор барихаар болов. Цаашлаад эдгээр реакторт зориулсан цөмийн түлш, засвар үйлчилгээг мөн хийж байхаар болжээ. Шаардлагатай бүх баримт бичгийг энэ жилд багтаан боловсруулахаар болсон байна. Хамгийн гол нь энэ бүхэнд шаардлагатай 10 тэрбум ам.долларыг Оросын тал Унгарт өгч байгаа зээл хэлбэрээр гаргахаар болжээ.