ОХУ-ын “Альфа-банк”-ны ажилтан алдаа гаргаж Челябинскийн иргэн 26 настай Тимур Фаткуллинд 10 триллион рубль шилжүүлчихсэн тохиолдол гарчээ. Түүний дансанд 9 999 999 999 999 рубль  99 копеек орчихсон байж гэнэ.  
“Дансаа шүүж үзтэл бараг 10 триллион рубль ороод ирсэн байхаар нь нүдэндээ ч итгээгүй, бараг л ухаан алдах дөхсөн шүү” гэж Тимур ярьжээ.

Тэгээд Тмиур тэр дор нь “Альфа банк”-руу утасдаж ямар нэгэн алдаа гарсан шиг байна гэж хэлсэн байна. “Тэгээд л миний дансыг тэр дор нь хаасан. Гэхдээ нэгэнт л миний мөнгө биш болохоор би үрэхгүй л дээ. Банкны техникийн алдаагаар л миний дансандп орсон байх” гэсэн байна.
Одоо Тимуа Фаткуллин банкны хамгаалалтын албаны ажилтнууд ирж өөртэй нь уулзаххыг хүлээж байгаа гэнэ. Мэдээж банкныхан чухам яагаад ийм их хэмжээний мөнгө хувь хүний данс руу орсныг тодруулах юм байна.

Тимур Фаткуллин ийн болсон явдлыг хэдийнээ хэвлэлийнхэнд ярьчихаад байхад “Альфа-банк”-ны удирдлага алдаа гаргаж мөнгө шилжүүлснээ үгүйсгэж мөнгө зүгээр л электрон системд гацсан юм гэж тайлбарлажээ.