Чилид 18 настай нэгэн охин мэндлээд удаагүй нялх хүүхдээ Facebook-ээр зарах гэж оролджээ. 17 настай найз хөвгүүнээсээ жирэмсэн болсон охиныг хүүхэдтэй болоход ээж нь маш их дургүйцэж, түүнд гурван сонголт өгсөн гэнэ. Хүүхдээ төрүүлээд бусдад худалд, үгүй бол аборт хийлгэ, эсвэл хүнд өргүүл гэж гэр бүлийнхэн нь түүнээс шаарджээ. Ингээд охин ээж, эгчийнхээ тусламжтай Facebook-т хүүхдээ худалдах тухай зар тавьсан нь тэр дороо худалдан авах санал хүлээн авчээ. Нэгэн гэр бүл хүүхдийг 1135 ам.доллараар худалдан авах санал тавьж, бүх зүйл бүтсэний дараа цагдаагийнхан хүүхэд зарахыг оролдсон гэр бүлийнхнийг бүгдийг нь баривчилсан байна.