Монгол Улсын Үндсэн хуулийг улс даяар дагаж мөрдөж эхэлсэн өдөр буюу хоёрдугаар сарын 12-ны өдөр орон даяар 4500 хуульч тангараг өргөх гэнэ. Монголын хуульчдын холбооны ерөнхийлөгчийн тушаалаар энэхүү ёслолыг аймаг, нийслэлд нэгэн зэрэг явуулахаар болсон байна. Улаанбаатар хотод Төрийн ордны их танхимд 11:40-12:40 цагийн хооронд 521 хуульч, Соёлын төв өргөөнд 13:00-15:00 цагийн хооронд 1500 хуульч тангараг өргөхөөр болжээ. Орон нутагт ч мөн адил цагуудад нэгэн зэрэг энэхүү ёслолыг зохион байгуулах аж.