Польшийн ерөнхийлөгч асан, өнөөдөр 90 настай Войцех Ярузельскийн 84 настай эхнэр нь нөхрөө өөр бүсгүйтэй хардан, бүр салах өргөдөл өгчээ. Уг нь 53 жил ханилсан тэр хоёрыг үлгэр жишээ гэр бүл гэцгээдэг байсан юм. Гэтэл өнгөрсөн онд экс-ерөнхийлөгчийн бие чилээрхэж эмнэлэгт хэвтэхэд түүнийг  сахиулахаар нэгэн эмэгтэйг томилжээ. Өндөр настай генерал сахиул эмэгтэйтэйгээ хайр сэтгэлийн холбоотой болсон гэж хатагтай  Барбара Ярузельская хардаж байгаа юм байна. Генералын  гэргий 50 настай тэр эмэгтэйг архичин, хөнгөн явдалт эмэгтэй гэж нэрлэжээ.