Улмаар өвчний голомтот бүсүүдэд хорио цээрийн дэглэмийг чангатгах, малын гаралтай түүхий эд тээвэрлэх, хүн амын шилжилт хөдөлгөөнийг хязгаарлах, замын хяналт шалгалтыг сайжруулах ажлыг зохион байгуулж байна. Тухайлбал, нийслэлийн Багануур, Багахангай, Налайх, Баянзүрх, Хан-Уул, Сонгинохайрхан дүүргүүдийн нутаг дэвсгэрт өндөржүүлсэн бэлэн байдал хэсэгчлэн тогтоож, автомашины шалган нэвтрүүлэх цэгийн шалгалтыг чангатгаж, ариутгал халдваргүйжилтийн цэгийн тоог нэмэгдүүлээд байна. Түүнчлэн урьдчилан сэргийлэх зорилгоор нийслэлийн нутаг дэвсгэр дэх малыг богино хугацаанд вакцинжуулах ажил эхэлжээ.