Хүн бол тусгай багаж, хэрэгсэлгүйгээр яагаад ч хүрч чадамгүй өндөрт гарчихдаг адгуусан амьтан байдаг. Тэдний хамгийн сонгодог жишээ бол ямаа. Дээд төрөл янгир нь угаасаа уулын амьтан болохоор таван хошуу малын нэг ямаа ч өнөөдөр хүний гарч чадамгүй өндөрт, тэгэх тэгэхдээ ханан хавцалд ч гарч идээшилдгээрээ гайхалтай амьтан гэж болно.
Ямаа л бол ямаа, янгир бол янгир, эндхийнх тэндхийнх гэх аргагүй. Азид ч, Европт ч, тэртээ америк, хойд Африкт ч уулын ямаа, янгир яг энэ л төрхөөрөө. Энэ газруудын ямаан  сүргийг хадан хавцал, өндөр оргил, усан цахилгаан станцын эгц хана, далайн эргийн цавчим хад гээд хаана л бол хаана харж болно.